BLOGGER TEMPLATES AND TWITTER BACKGROUNDS

الخميس، 16 أبريل 2009

The End !

اخيرااا..
اخيرا فيلم الامتحانات ده طلعله نهايه ..
اخيرا حيتشال من دور العرض ..
اخيرا الجمهور حيروح البيت ..
اخيرا حنااااام ..
الحمد لله بجد ان الاسبوع ده خلص ..
انا كنت بتعذب مش بمتحن ..
انام اربع ساعات بس او خمسه للامانه ..
طول الليل بحلم بحاجات مش منطقيه ..
و احلم بورق و اقلام .. و كأني ف مكتبه ..
المهم ربنا يجعل تعب الواحد بفايده ..
النهارده كمان كان يوم حلو ..
خلصنا " الانتحان " و انا و ايمان اعدنا نتمشى ف الكليه زي ما يكون علينا ندر ..
بعد ما خلصنا الطواف بتاعنا .. روحنا كوك دور ضربنا اتنين فاهيتا و بطاطس فرسكس و كوكا الحجم المبالغ فيه ..
لقينا لسه ف جيبنا قرشين كويسين .. نسكت بقى .. ابداا
اعدنا نتمشى و نتفرج على تشيرتات .. اللذيذ بقى ان احنا مش لاقيين حاجه تناسب الذوق الكلاسيك البسيط ..الدنيا كلها اصفر و اخضر و ازرق و فوشيا الخ الخ من الوان الربيع المبهجه ....
مفيش فايده يا ايمان ..
يعني خلاص يا رنا
شايفه حل تاني يا ايمان ؟
طب ما ده حلو يا رنا اهو
ده بتاع ولاد يا ايمان
الله بس حلو
يا حبيبتي احنا بنات ..انتي نسيتي ؟
طيب
اخيرا اقنعتها ..ان ده محل الولاد يا ايمان
..
عملنا طواف الوداع ف المشايه .. و ايمان فرهدت .. و انا كنت خارج نطاق الخدمه .. و بقينا ماشيين نعرج ف الشارع ..
فقررنا و ده طبعا قرار مش سهل علينا ان احنا كفايه بقى كده .. و يلا بينا نروح .. لاننا غالبا نسينا ان لينا بيت ..
بجد كان يوم حلو و لطيف كده ..
بجد كان اسبوع حرب ..
و اكيد اني عايزه انام اسبوع على الاقل من غير ما حد يقولي اني ف الكليه ..
يعني باختصار نفسي انام و اصحى الاقيني بنت خالي ..
اي حد تاني ..
مش ف حاسبات ..
انا حقوم انام بقى لحسن انا بقيت شايفه الحاجه الواحده بسبعه قدامي .. :
سلاااااام :D

6 comments:

MY FATE يقول...

يااااااااه يا رنااا
والله انا مش مصدقة أن الأسبوع خلص فعلااا
ألف مبروك عليناااااا :)
وأنا كمان زي إيمان بأحب لبس الولاد تلاقيه حلو كده
كان نفسي أبقي ولد عشان اللبس بس :)
ربنا يسترها فى موضوع اللبس ده علينااا لأحسن الدنيا فى الصيف بتقلب حاجات عجيبة وفى الشتاء حاجات عجيبة (بس عجيبة الأولانية غير التانية :) )
أنا هيست جااامد -مع أن دي مش عادتي زى ما أنتي عارفة :)- يلا سلااااااااااااااااااام

eman D. يقول...

ازيك يا رنا...!
بقالي خمس دقايق ما شوفتكيش..!!

مش انا جيت البيت لقيت اكل..
رحت واكلة تاني...

بالنسبة للهدوم..
انا حاسة اني قربت افصل هدوم يا رنا.. :(
يا اما اشحت هدوم اخويا الصغير (يدوب على مقاسي)..

مسائك (راني) بالاناناس... D:

baby يقول...

حلوة طواف الوداع دى يارنا :))
وفعلا النهارده كان يوم جميل جداااا ... الحمد لله :)

يلا الواحد يرتاحله اسبوع ولا حاجة على حس الميدتيرم :)) ( قال يعنى :D )

Rana يقول...

MY Fate
=======
الحمد لله بجد لانتهاءه .. و ربنا يستر على الكبير اللي لسه جاي
و على فكره لبس الولاد جامد .. كفايه انك تضربي اي تيشيرت على اي بنطلون و حتطلعي شيك برضه :D

Eman D
======
ابعدي عن خالد يا ايمان .. و سيبي دولابه ف حاله يا حبيبتي ..

Baby
====
:D:D
ما هو احنا فعلا كنا بنطوف نمشي من مترو لغايه اخر المشايه و نلف من فوق و ننزل تاني :D

شكرا للمروركم جميعا ..

Habhoba يقول...

رنا رنا رنا ....رنا رنا رنا ....

عجبنى اسمك فكنت بجربه :-P

الحمد لله خلصت الامتحانات كلها كلها كلها كلها

زيى ما يكون كنا بنحارب بالضبط وارتاحنا الحمد لله

اشوفك بكره ان شاء الله ...:*

غير معرف يقول...

:)