كلمه شكر

السلام عليكم ..

البوست ده مخصوص لاحلى و اجمل صديقه و اخت ليا فعلا ... ايمــــــــــــــــــــان ..

من غير ما اقولك انا بحبك اد ايه .. انتي عارفه كويس ..

لكن انا عايزه اقولك ع الملاء... شكــــــــــــــــــراا ..

على حاجات كتيـــــــــــــــــــــــــر .. لكن اهمها و اللي خلتني اكتب البوست ده ..

وقوفك جمبي اليومين اللي فاتوا ..

لانهم يعتبروا من اصعب الايام اللي مرت عليا ..

رغم ان معظمها وقفتي معايا فيها ..

لكن دول بالذات كنت محتاجاكي اوي ..

و انتي ما ادتنيش فرصه حتى اقولك اني محتجاكي ..

و حتى لغايه النهارده ..

فضلتي برضه واخده بالك مني ..

و كنتي خايفه عليا اكتر ما انا خايفه على نفسي ..

ده انا كل ما اسرح تفتكري جرالي حاجه ..

تسألني " رنا انتي كويسه ؟"

مع اني والله كنت مركزه بس ف المحاضره

:D

انا فعلا بحبك اوي .. و عمري ما حعرف الاقي زيك بني ادمه كده ..

لازم اخلي بالي منك على فكره :)

ربنا ما يحرمني منك ابدا ..