السلام عليكم ...
يمكن بقالي شويه ما دخلتش بس لاني كنت عايزه اكتب حاجه حساها اوي ...
و لازم اهدى شويه قبل ما اكتبها ..
وقعت ف الموضوع ده كذا مره .. و كل مره اقول معلش يمكن انا اتسرعت ف الحكم اكيد مش كده !..اصل مش معقول ؟ لا لا في حاجه غلط .... بس اخيرا قلت كفايه كده !
طبعا ما حدش فهم حاجه ... فحخش بقى ف الموضوع ... الموضوع باختصار شديد و من غير ما اعد اقول في ناس ... و ناس تانيه و حاجات من دي ..
كل الحكايه و اللي انا طلعت بيه .. بس متأخر شويه ..
انك ما ينفعش ابدا انك تكون صوره عن حد بناء على تجميع شويه كلام على شويه تصرفات شويه حركات .. و تقول ف الاخرهو ده .. و تدي لنفسك كل الاحقيه انك تبدع ف وصفه ...
مش حقول ان ساعتها الصوره حتبقى مش كامله .. لا !!
ده انت حتلاقي نفسك كونت صوره تانيه خالص عكس الواقع و حقيقه البني ادم نفسه .. سواء بالسلب او بالايجاب لكن ف حالتي انا ..
دايما متخيله اي حد ان شخص تمام .. و لو غلط ده عادي كلنا بنغلط .. و يا ما كونت افكار عن ناس .. طلعت كلها حاجات تانيه خالص
خلتني ابصلهم دلوقتي باستغراب ... و اقول باعلى صوت " مش ممكن .. مش معقول "
عايز تعرف شخص كويس .. عايز تكون له صوره سليمه الابعاد ... ادخل حياته ! قرب اوي ! افهم التفاصيل ! كلمه اكتر من مره ! شوفوا ف كل حلاته .. عصبي هادي سعيد حزين ..
بعد كده تقدر توصفه بكلمه واحده بالكتير ...
لكن من بعيد .. و تعمل موضوع و كلام و احتمال كمان تطلعه ملاك من السما ......... غلط ! غلط !
غلطه ... و كلنا جربناها ووقعنا فيها ... مش نفوق و نركز بقى ؟!
انا طولت .. كمان اكلمت بغل شويه ... بس والله انا حولت اهدى بكل الطرق و اكلم بعد كده
سلااااااام :)
14 comments:
تصدقي فعلا انا كمان بعمل كده
بس دي طبيعه فيا معرفش اغيرها
لازم اتخيل الشخصيه اللي بتعامل معاها عامله ازاي من خلال تصرفاتها و افعالها اللي بشوفها
و بعيش بقى مع التخيل ده و برفض اي حاجه حتى لو واقعيه تغير من الشخصيه اللي رسمتها
بقول يمكن مختش بالي يمكن بتعمل كده اول مره
بس الحمد لله تقريبا كل الناس اللي عرفاهم دلوقتي ناس كويسين ان شاء الله الحمد لله
معلش طولت في كلامي مع انها اول مره اعلق عندك
بس حسيتك كانك بتتكلمي عن اللي بعمله بالضبط
موضوع جميل و ربنا يهدينا للناس الكويسين دايما يااارب
رنووووووووش ..ازيك يابنت وحشتينى بقالك كام ساعه مشوفتكيش :D
اولا انتى عندك حق فى كل كلمة قولتيها ...لان محدش له حق انه يحكم على حد ميعرفوش او لمجرد انه اتقال عليه كلام ..ده يعتبر ظلم من وجهة نظرى لانه فى الاول وفى الاخر مآذانيش فى حاجه وطالما معمليش حاجه وحشه انا هاظلمه ليه؟ وبرده انا ايه عرفنى اصلا ان اللى قاللى كلام عنه ده صادق فى كلامه؟ ..فده الحمدلله مش من اسلوبى خالص لان محبش حد يقول عليا كلام وحش وهو مش عارفنى ..
وصعب اووى انى احكم على حد بالسلب من كلام او حتى موقف واحد عمله ضدى ..ومش بحكم عليه الى بعد متأكد من ان انا صح واكون فضلت معاه ومصدقاه وواثقه فيه لاخر لحظه اتأكد فيها ...ولما بحكم على حد بيبقى فعلا خلاص هو كده واستهلك كل الفرص اللى المفروض ياخدها ..وتعدى كل المراحل من حسن النيه .واكدلى انى ثقتى فيه مش صح ..
طولت اووى بس الموضوع حلو فعلا ومهم
سلام :)
ياسمين !
معلش يا حبيبي انت فهمتي الموضوع غلط
مش ده قصدي
انا قصدي لما تشوفي حد من بعيد و بناء على تصرفات بيعملها و كلام بيقولو تقولي فلان ده محترم اوي او فلان ده طيب اوي .. لانك لما تتعملي معاه عن قرب حتعرفي شخصيته الحقيقيه فحتتصدمي
فقصدي تفاديا للصدمات دي .. اعرف الشخص الاول و بعدين اوصفه
و شكرا لمرورك يا جبيبي !
موضوع مهم جدااا
ونصيحة حلوة جدااا ونفسي فعلا أنفذها لأني من النوع اللى بأحكم على الناس بسرعة ومعظم الوقت حكمي بيبقي غلط ولما أعرف حد على حقيقته بأكون اتدبست معاها خلاص ومش بأعرف أبعد
ففعلا قبل ما نصاحب حد لازم نعرفه كويس ومش نحكم من بعيد أو من موقف أو اتنين فيه ناس لما بتتعصب بتبقي مختلفة عن طبيعتها مش هينفع نحكم عليهم وهما فمتعصبين مثلا لازم نشوفهم فى كل الأوضاع
بجد فعلا موضوع مهم
وجزاكي الله خيرا عليه
سلام يا رنون :)
i agree :D
مع ان يفترض ان الجواب بيبان من عنوانه..
بس للاسف الافتراض ده غلط..
دايما بيطلع جواب رفد في الاخر.. :)
انا بطلت ادخل اي موقف بتحيزات مسبقة..
او بناء على كلام حد تاني..
لازم اجرب..لازم اسمع..بنفسي..
سلام
ممممم يمكن وجه نظرك صح
وبتحصل معايا لنااااس كتييييييييييييييير فعلا
بس بجد فى ناس لما الواحد بيبصلهم برتاحلهم بيعرف دول كويسين ودول وحشين
ناس من جوا زى من برااا بالظبط ناس بجد ربنا يزيدهم ويثبتهم على اللى هما فيه
يعنى الواحد لما يشوفهم من بعيد بيقدر يقرا صفاتهم على طووول
لكن فى ناس فعلا الواحد بتخدع فيهم زى ما بتقولى
شكرااا ع الموضوع المهم ده .... ووو ..
ٍSorry :D
مممممم .. يبقى تقريبا احنا واصلين لنفس النتيجه !
لكن بجد و الله انا استحاله تاني يخدعني حد بمظهره او حركاته من بره ...
و لو عايزه اعرف حد كويس حقرب منه !
و الا بلاش يقى .
شكرا لكل اللي ردوا .. و معلش عملت موضوع حزين و ده مش طبعي
:D
alexmidoo
========
:D:D
عادي !
دايما افرضى الاسوء الى ان يثبت العكس .
جربيها وهتنفع وهتدعيلى ...
رنا..
فاكرة شعارنا..؟
"كل بني آدم (...) الى ان يثبت العكس"
ما تنسيهوش...
ممكن اللى بين الاقواس تكون بتبدأ بحرف الـ ح !!
Oh god !
hhhhhhhhhhhhhhhhhhhhhhhhhhh
momken :D
:)
"تعرف فلان؟ ....اه اعرفه ....عاشرته؟.....لا.....يبقى ما تعرفوش"
كلامك صح جدا
علشان تحكم على حد صح
شوفه فى مواقف
عاشرة
قرب منه
وساعتها الصورة هاتكون اوضح
تحياتى
إرسال تعليق