BLOGGER TEMPLATES AND TWITTER BACKGROUNDS

الأحد، 8 مارس 2009

انا و النضاره....

تعبت .. ماساه فعلا !!

انا و النضاره بقينا فعلا مش طايقين بعض ... انا بتلكك و اسيبها ف اي حته ف الشقه ... و هي تعاندني و ما الاقيهاش مكان ما انا سبتها...

ما هو مش مبرر ان عشان بابا دكتور و ماما ( الله يرحمها) كانت دكتوره و خالي وعمتي و اخويا ... الخ الخ دكاتره اني اتولد و ف وشي ( فترينه) بالوراثه !

و الله انا اتخنقت منها .. و حاسه انها عقبه بيني و بين العالم الخارجي ...
يا سلام مثلا لو لفيت عيني ف مكان بره العدسه .. ياااااه بحس ان النور اتقطع .. اضطر اظبط النضاره و اسنترها ( فعل center ) عشان يطلع المشهد ادامي كامل متكامل من غير خط اسود ادام عيني ( لان الفريم اسود )..

و المشكله كمان ... اني حسه ان وشي اتزحم ... في حاجات كتير ف وشي غير ملامحي ... انا اختفيت !

لا وزهقت منها حقيقي ... نفسي مره اعمل لنفسي مفاجأه و ابص ف اي حته ... الاقيني عارفه افرق بين البشر و رصيف الكليه...

لا و حاجه كمان ... ببقى بتفرج على التليفزيون و اقرر اني انام او اسند دماغي على الكنبه مثلا ... الاقي فجأه الحياه اتغيرت لانها طبعا بتتعوج من مكانها .. تخليني ما اعرفش افرق اذا كان التليفزيون اتقفل ... و لا انا نمت .. و لا العيب جاي منين ؟؟

طب و بعدين ... كل يوم حتخانق معاها كده ؟؟

سلااام .. لانها حاليا لازم تتلمع ... :(:(

17 comments:

غير معرف يقول...

هههههههه ... هى شكلها مشكله فعلا
بس اكييييد انتى اتعودتى عليها يعنى
انا اعرف انس برده بتتخانق مع النضارات بتاعتها كده ومش طايقاها ...بس هتعمل ايه يعنى ما باليد حيله

انا كان نفسى البس نظاره مش عارف ليه .. بس بعد البوست ده تقريبا غيرت راى :) :)

وان شاء الله تتعدل معاكى و تلمييييع موفق ان شاء الله :)

baby يقول...

رناااا ...مبروك ع البلوج :D معلش متأخرة بس لسة شايفاها دلوقتى (معلش من أثر النضارة برضو ) :))

المهند دلوقتى ...انى انا كمان اتخنقت من النضارة ومن زمان لأنها عشرة عمر بصراحة .. من أولى اعدادى :(

وبرضو اللينسز مش حل ... مقرفة وهفضل اقول عليها كده للأبد ... كنت بقول حكاية تعود ..بس طلعت هى كده مقرفة مقرفة يعنى :|
/*
نفسي مره اعمل لنفسي مفاجأه و ابص ف اي حته ... الاقيني عارفه افرق بين البشر و رصيف الكليه...*/
ههههههه ... أنا آخرى أفرق بين الألوان من غيرها ...غير كده كله عندى مسح :(

فانتى قومى لمعى النضارة كده بس وكله هيبقى تمام :D :P

سلام :)

Rana يقول...

alexmidooo
==========
لا لا ... ما تحولش تلبس نضاره ابدا .. دي كارثه و مقرفه و الله ..كويس اني لحقت و كتبت البوست
:D
و شكراا لمرورك :)

baby
=====
ههههههههه... انا عارفه يا حبيبي والله مأساه اللينسز و جربتها.. و انا اكتر واحده حسه بيكي
ابقي اعدي جمبي ع الرصيف و هاتلنا حد بيشوف يترجملنا اللي بيحصل بره :D:D

غير معرف يقول...

ههههههههههههههههههههههههههههههههههههههههههههههههههه
هيا ورااااااااااثة
:* :*
انا حبيت نضارتك دى
!!
بتاخدلى بتارى :p

غير معرف يقول...

هههههههههههههههههههههههههههههههههه
عسل يا رنا
اكن نضاره تعمل فيكى كده
وقال ايه انا بقول النضاره بتعمل شكل لذيذ لللانسان
اتريها بتذله
يلا يا بنتى ربنا يعينك
اعرف ناس متعذبين زى حالاتك بالعدسات والنضاره
اللهم اكفينا الشر
وطبعا الف الف الف الف مبروك على البلوج

غير معرف يقول...

=)) =))
يخرب بيتك :D والله انتى عسسل يارنوون :-*

كل الناس بتلبس عشان عينيهاالاتنين ..ده المفروض يعنى
لكن انا بقى مش زى اى حد ..انا عندى عين واحده بس هى اللى ضاربه :D
ولانى طبعا مش بحب البس النضارات بره ابداا ..
فانا بقفلها وبمشى بالتانيه :)) ولو فى شمس بقى بقفل الاتنين وبعتمد على اى حد جمبى
..الناس لبعضها برده يابنتى :D

غير معرف يقول...

ههههههه انتى بتقولى فيها انا ضيعت نضرتى تلت مرات تقريبا وكسرتها مرتين وفى الاخر مابلبسهاش الا للضروره القسوى انا حسيت باحباط اول مالبست النضاره دى حسيت انى دخلت فى قايمه المعوقين :((
مع احترامى المتفانى لاصحاب الرسالات بين قوسين النضارات
هى اخرتها ليزر بقى

Rana يقول...

la princepessa
==============
بقي كده يا بسوم ؟؟ فرحانه فيا ؟؟ ماشي ماشي هتروحي من حاسبات فين ؟ يجيلك يوم ..:D:D

نور القلب
=========
هههههههه.. و الله انتي الي عسل يا منمونتي .. اه يا بنتي والله بتذله ..و المشكله مش قادره احافظ على كرامتي معاها و استغنى عنها بقى .. و الله يبارك فيكي يا قمر ..:)

bosycat
========

و الله انتي اللي عسل يا ياسمنتي ...ده انتي حاله استثناثيه بقى.. فرده واحده هي اللي ضاربه ههههههههه.. برضه حتجيلنا ع الرصيف :P

Angel
=====

هههههههههه.. لا ده انا حطمت الرقم القياسي ف الضحايا ( النضارات) انا عندي 16 ضحيه ليهم مكتب لوحدهم

و الليزر لسه لما نظري يثبت .. ( بابا قالي كده ..)

شكرا لمروركم جميعا .. و قريب اوي حنعمل حمله لمكافحه النضارات .. بس على الله نقدر ..:D:D

eman D. يقول...

المشكلة ان انتي مبتسمعيش الا تعليق واحد..
(عسولة اوي ..بس النضارة)..
انا لو مكانك اشد ف شعري..
بعدين انتي مش ملاحظة ان تلات ارباع مصر عملت عملية الليزر خلاص؟؟ وهما ف اولى مش في تالتةكمان..

ده غير اللي مخلصين
من سنتين..او تلاتة

مبقاش اللي انتي يا حلوة..
وخايفة منها كمان..
ربنا يسهل ومتهربيش من العيادة وهما بيعملوهالك..

سلام قبل ما تضربي D:

Rana يقول...

emanD
=====
هو انا حضرب بس ؟!

ماتجيش بكره الكليه و اديني قلت اهو !

غير معرف يقول...

mabd2yan ya rana el topic to7fa
we 7a2e2y 2asarty fya ka wa7ed men as7ab elnadrat we elly 7asen b mashakelha
bas enty momken te3mly laser aw telbesy linces "i don't recommend it" aw testa7mly elnadara we te3eshy zay kol elmasryyn :D

MeMe يقول...

بوصى يابنتــى ...
انا كان فى حياتى تلات نظارات ..
أول نضارة كسرتها .. بإيديا.. دول ..
عشان كنت زهقت منها ..
والتانية .. نسيتها .. غصبا واقتدارا .. فى ميكروباظ من المكروباظات ..
والتالتة هربت منى .. من كتر اللى كنت بعمله فيها ..ولحد دلوئتى معرفش فين أراضيها
ومن يومها .. بقى
مافكرتش أدبس نفسى .. فى نضارة تانية ..
أصل منيـــحةعيشة الحرية من غير نظارات ..
هو أينعم الواحد متمرط من غيرها ..وبيشوف طشاش ..وأحيانا بيشوف مونكروم بس .. يعنى أبيض وأسود ..وأوقات بيتخيل انه شايف حاجات ومفعول حاسبات مع الوقت بيـــزيدأكتر وأكتر
لكــــن ...ربك بيسهلــها بقى
-----------
انا نســـيت أقولك انى أصلا بحب النظارات
D:
:p
وربنا يعينك عليها بقىp:
سلامز ياعثل ومبروك ع البلوج

Roody يقول...

مبروك يارنا على البلوج
ومعلش يابنتى نظارتك برضو استحمليها
انا داخلة اوصيكى ع النظارة باين :))
وبجد على اد ماهى متعبة بس مهمة
انا وقت لما بكون مش شايفة كويس
بحتاجها جدااا :(
بس بوست عسل يارنا بجد
يالا بداية موفقة ان شاء الله ياجميل
سلاااام

غير معرف يقول...

هو على الرغم من مشاكل النضارات
بس مقدرش اتخيل حياتي من غير نضارتي :D :D :D

غير معرف يقول...

hehehehe
3assal ya Rana bgd ,,,, ya benty dy 7aga temayezek ! w b3deen bgd enty men 3'erha hat7esy be fara3' :D:D ,,, 3al a2al enty mashya m3a 7aga mesh mashya kda lwa7dek w 5alas :D ana nefsy albes nadara awy :D:D bs mama mesh mwaf2a :(:(,,, bet2olly enty mawlooda mesh labsa hatelbsy leeh ! :D:D:D omahats a5er zaman ! :D

feeh 7aga kont 3ayza as2al 3aleeha w la mo2a5za ya3ny :D ,, meen manmonty w meen samnety dool :D :P ?? ,, mesh dool Emy w Seema so7aby ?? :P:P:D:D

congratulations ya Ranooosh ya 7abeeby 3al blog w bgd hayeb2a gamed gdnn da la2eno bs bta3ek , ana hagy dayman b2a isA :D:D

غير معرف يقول...

هههههههههههههه عسل يا بت يا بشمهندزه يا رانووووووش
ومبروك دخولك عالم البلوجات

MY FATE يقول...

فكرتيني بقصتي مع النضارة
أنا برضه كنت حاسة زيك أني مش عارفة أشوف العالم من غيرها وأني لو هي ضاعت مني ولا حاجة مش هأعرف امشى
وأكتر حاجة بتضايقني فى الموضوع اني مكنتش بأعرف أمشي تحت المطر كانت تتبل مني وما أشوفش حاجة
بس يا ستي الواحد بيتعايش معاها وخلاص
وبعدين إن شاء الله لو ينفع تعملي العملية توكلي على الله عيشي حياتك من غير النضارة
مع أنها بتبقي غريبة جداااا كنت بأتكسف أخرج الشارع من غيرها :)
وكانت بتدي للواحد منظر أنه عالم كده :)
عامة يعني جايز لما تقلعيها تزعلي محدش عارف
وفى الآخر ولا يهمك يا باشا هي فترة ويمكن إن شاء الله تعدي
سلااام يا رنا ومبروك المدونة بتاعتك :)