السلام عليكم ..
كل يوم الموقف بيزداد روعه عند بيتنا .. و كل يوم يتثبتلي اني ان شاء الله حموت بالضغط ..
انا قبل كده قلت اننا ساكنين ادام مستشفى و للعلم هي مستشفى الجامعه و بالتالي بنصحى كل يوم على صوت صريخ و خلافه و نظرا لانى الصبح غالبا ببقى ف الكليه و كده.. فبترحم الى حد ما ..
لكن يوم الجمعه هو يوم الزياره الرسمي .. و يوم الاجازه الرسمي برضه عندي .. فبالتالي لا مفر من سماع الخناقات و الصريخ و ال " يالهوي " اليوميه ..
الجديد بقى .. ان العماره بتاعتنا نفسها .. قررت تشارك ف حمله رفع الضغط التي شنت ( بضم الشين ) عليا ..
و بالتالي قررت تجديد الاسانسير و اعدت اسبوعين بصحى على صوت خبط و رزع و طوب و هبل اسود و النداء الدائم على " يا محـــــــــــمد يا واد يا محــــــــــــــــــمد " و لكن محمد دائما و ابدا .. ولا بيعبرهم .. و لكن الاصرار و العزيمه خلتهم حتى لو محمد ما ردش .. والله العظيم لنادي كمان و كمان .. و يستمر النداء بلا جدوى
و اخيرا لما ربنا كرمنا و جددنا الاسانسير و اخيرا ايضا رد محــــــــمد عليهم .. عملنا نغمه حلوه اوي للاسانسير بحيث كل ما حد يطلع يرن .. و اما يفتح الباب يرن و اما ينزل يرن .. رنات مجسمه و اخر حلاوه ..
المشكله كمان ان العماره عندنا كلها شركات و تقريبا تلات اربع شقق بس اللي سكنه من ضمنهم بتنا .. لذلك الناس طالعه نازله كتـــــــير
و بمعدل مرتين ف الدقيقه بسمع الرنه الرائــــــــــعه دي لان المطبخ و الحمام شبابكهم بتطل على المسقط الي الاسانسير بيطل عليه ..
حد بقى يديــــــــــــــــني عقلهD:
كل يوم الموقف بيزداد روعه عند بيتنا .. و كل يوم يتثبتلي اني ان شاء الله حموت بالضغط ..
انا قبل كده قلت اننا ساكنين ادام مستشفى و للعلم هي مستشفى الجامعه و بالتالي بنصحى كل يوم على صوت صريخ و خلافه و نظرا لانى الصبح غالبا ببقى ف الكليه و كده.. فبترحم الى حد ما ..
لكن يوم الجمعه هو يوم الزياره الرسمي .. و يوم الاجازه الرسمي برضه عندي .. فبالتالي لا مفر من سماع الخناقات و الصريخ و ال " يالهوي " اليوميه ..
الجديد بقى .. ان العماره بتاعتنا نفسها .. قررت تشارك ف حمله رفع الضغط التي شنت ( بضم الشين ) عليا ..
و بالتالي قررت تجديد الاسانسير و اعدت اسبوعين بصحى على صوت خبط و رزع و طوب و هبل اسود و النداء الدائم على " يا محـــــــــــمد يا واد يا محــــــــــــــــــمد " و لكن محمد دائما و ابدا .. ولا بيعبرهم .. و لكن الاصرار و العزيمه خلتهم حتى لو محمد ما ردش .. والله العظيم لنادي كمان و كمان .. و يستمر النداء بلا جدوى
و اخيرا لما ربنا كرمنا و جددنا الاسانسير و اخيرا ايضا رد محــــــــمد عليهم .. عملنا نغمه حلوه اوي للاسانسير بحيث كل ما حد يطلع يرن .. و اما يفتح الباب يرن و اما ينزل يرن .. رنات مجسمه و اخر حلاوه ..
المشكله كمان ان العماره عندنا كلها شركات و تقريبا تلات اربع شقق بس اللي سكنه من ضمنهم بتنا .. لذلك الناس طالعه نازله كتـــــــير
و بمعدل مرتين ف الدقيقه بسمع الرنه الرائــــــــــعه دي لان المطبخ و الحمام شبابكهم بتطل على المسقط الي الاسانسير بيطل عليه ..
حد بقى يديــــــــــــــــني عقلهD:
12 comments:
ربنا يعينك علي الدوشة دي انا جربتها سنة اولي في المدينة كنت ساكن مباشرتا علي الموقف و كل يوم بقي كان في واحد ربنا يكرمة يجي ينادي علي العربيات كل يوم الساعة 7 والله مكنتش بظبت منبة كنت بستناه :(
Only Allah can help you now
بس ممكن تعملي خطة شريرة و تتخلصي من صوت الاسانسير ,بس لو اتمسكتي مش انا اللي قولتك :D
ربنا معاكي على الدوشة الحلوة دي
:D
ومبروك على الاسانسير الجديد
:)
i miss al nas ely beyndo 3ala ma7md :D:D
allah yekon f 3onk ya benty ana ma2desh ast7ml ay soot w ana nayma w elsoot el 3aly aslan bet3bly a3saby rbna m3ak ya abny :-s
Hunikal
=======
=))
خطه شريره .. حلوه الفكره دي .. اقتل صاحب العماره, هو اي نعم مشكله الاسانسير لسه قائمه بس نضمن ان مفيش حاجه تانيه تحصلنا ..:D
Elahlawy
========
و الله و لا بستعمله .. احنا الدور الاول :(
Hadeel
======
طبعا لانك ما كتبتيش اسمك فحتطلك هويه .. انتي عشرتب معايا المأساه دي .. ووحشتيني :)
Mayada
======
لازم تيجي تعيشي معايا .. مـــوت بطئ :D
=)) =))
انا بدحك لسبب واحد ...
احنا اللاسانسير بتاعنا احنا كمان عامل مشاكل...
امبارح طلع ماما الدور 4.5 :D
يعني وقف بين دورين ...
بقينا خايفين منه وحاسين انه بيحاول يقتلنا...
اما بالنسبة لمستشفى الجامعة .. ف احب اقولك اني نفسي اشوف المستشفى دي محروقة !!
ربنا يكون فى عونك
تقريبا انا بقالي تلت أيام بشاركك وجدانيا أن كل يوم أصحي بمعدل مرتين فى الساعة مخضوضة
من ايه؟؟؟
الله أعلم
بس الحمد لله أن محمد رد فى النهاية وأن الاسانسير خلص
وممكن حكاية الصوت دي تتشال فعلا ولا اى حاجة
ربنا معاكي يا رنون باشا وتفضلي بجزء من عقلك :D
سلام
اولا مبروووووووووووك الاسانسير الجديد
ثانيا ربنا يكون في عونك فعلا المنصوره كلها على فكره بقة دوشه ومضغوطه بشكل فزيع ودا بحكم موقعها الجغرافي الاستراتيجي كعاصمه لقرى مفيهاش مستشفيات اصلا فطبيعي اللي بيحصل دا
اما الاسانسير وصوته دا شئ شبه عادي ولابد للاسف الشديد من التاقلم معاه لشدة اهميته للناس اللي فوق طبعا اما انتم كدور اول لا
بس احب اقولك الدوشه احسن بكتيييييير
من الهدوء القاتل واحساس انك لوحدك
:D
وربنا يعين الكل
واسف للاطاله :)
وسلامي ختامي
emanD
=====
=))
4.5 ? ايه الرخامه دي يا عيني يا طنط :D
الميتشفى دي نفسي الاقي حد دخلها و خلاج سليم ..
sara
====
حبيبي يا مشاركني همي .. انا كان نفسي اخرج اجيب محمد ده من شعره و اقوله رد ابوس رجلك !!
يا رب افضل بحته منه يا ساره :D
Gayar
=====
انا بصراحه الهدوء بيجبلي اكتئاب ممكن لما احس ان الدنيا هاديه اوي اعد اعيط .. بس المرستان ده برضه كتير .. ربنا يعينا و احاول اهيش اطول فتره ممكنه :D
و لا طبعا مفيش اطاله .. حضرتك منور دايما :)
على كدا انا معدش عندي نافوخ أصلا لان دايما دوشة و كل يوم صويت و زعيق في الشارع بس بسبب خناقات مش بسبب مستشفيات ...
انا بقا من كتر الهدوء فى شارعنا ومنتطقتنا بقيت بمل وعايز دوشة
بصى من الخطط الشريرة انك تقتلى مرات صاحب العمارة فى الاسانسير .. قوليلى ليه ؟؟ عشان صاحب العمارة يكره الاسانسير ويقفله ويحوله لمقام او ضريح او بركان اى حاجة بس كدا ..
مفيش احلى من الشر
الموضوع ممكن يفشل لو بيكرهها
يبقى تقتليها قتلة شنيعة شفتى فاينل دستنيشن قتلة تكره صاحب العمارة فى الاسانسير
انا شرير اوى يا نهار ابيض
Boody
=====
ربنا ف عونا جميعا بقى ..
Metoo
=====
هههههههههههههههه..
لا حلو حلو انا بحب الشر :D
ايمان مش راضيه تديني الجزء الرابع من فاينال ديستيناشن شوفت التالت بس :(
إرسال تعليق