لما تبقى متعلق بحاجه اوي ..
اما تطلع تجري وراها عشان توصلها ..
اما تحس انك مش عارف تمشي ف الدنيا مفتح و شايف ادامك غير بوجودها ..
اما تشقلب ف الجو عشان عايزها ..
اما تدعي ربنا ليل و نهار لمده سنين انها تتم ..
و ف الاخر تختـــــــــــــــــــفي .. وتتحطم .. و تنتهي ..
اظن بـــــــــقى مفروض تفهم و من زمـــــــــــــــــان .. ان ربنا سبحانه و تعالى مش عايزها ليك .. و الخير مش فيها !!
يا رب قويـــــــــــني ..
8 comments:
"انت تريد وانا اريد والله يفعل مايريد "
ربنا يقويكى يااارب ويكتبلك الخير دايما ..
الحمد لله على كل شئ يارنا بجد مقدرة موقفك لان حصل معايا الموقف ده وللاسف بردو كانت نفس النهاية
قال رسول الله صلى الله عليه وسلم: (عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له)
وقال رسول الله صلى الله عليه وسلم( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه )
مبارك عليكى تكفير جزء من ذنوبك يارنا بس اصبرى واحتسبى الاجر عند ربنا ^_^
السلام عليكم
هاقولك على حاجة من واحد مجرب الموضوع ده بس كان اكتر من خمس سنين
للاسف انك تنسى الحاجة دى او تشيليها من حياتك صعب
بس فى طريق انا مشيت فيه والحمد لله
انك تقنعى نفسك ولو بلغلط ان الحاجة دى مش موجودة تحلمى احلام صعبة تشغلى نفسك بحاجة تانية ابقى من الاخر مالتى تاسكنج
توهى فى الحياه ده مع ايمان ربنا طبعاااااااااااا هاتلاقى الحاجة دى بقت اخر حاجة تفكرى فيها ..... وده طبعااا مع مساعدة اصحابك القريبين اوى
معلش طولت بس كنت لازم انصحك
سلام
لا حول ولا قوة الإ بالله
فعلا يا رنا أكيد الخير مش فيها
أو جايز ربنا هيعوضك عنها بخير أكتر منها
انسيها اشغلي نفسك بحاجات تانية
طبعا صعب تشيليها من حياتك خالص
بس ربنا معاكي وتقدري
سلام
ان شاء الله كله خير يارنا والله ..ومحدش عارف الخير فين
ربنا هو الأعلم مننا بكل أمورنا وهو أدرى بالخير مننا فين ..
"ومن ترك شيئاً لله عوضه الله خيرا منها"
حتى لو مش انتى اللى سبتيها ...ممكن متكنش اختفت وهترجعلك تانى بس ربنا بيختبرك (ابتلاء بس) بيشوفنا هنصبر ولا لأ ..حتى لو خدت وقت بس خليكى على يقين بالله انه دايما بيعملنا الخير اللى احنا أوقات كتير مبنبقاش عارفينه..
ربنا معاكى ويقويكى باذن الله :)
سلام :*
yasmen
=====
شكرا يا ياسمين .. ربنا يخليكي
Mirage
=====
انا مش قادره اقولك الكلمتين دول ريحوني اد ايه ؟؟
يا رب يخليكي ليا يا نسمه :)
mrmetoo
=======
عند حضرتك حق ف كل كلمه ..
و طبعا مفيش تطويل ولا حاجه .. بالعكس طول الوقت هحتاج اسمع الكلام ده و اقراه ..
شكــــرا ..
MYFATE
======
ادعيلي يا ساره من فضلك ..
BABY
====
يا رب يا اماني .. و شكرا لردك اوي يا حبيبتي ..
مش هقول حاجه اكتر من اللي اتقال
بس اكيد خير ان شاء الله
وخيرها في غيرها
موضوع جميل
وكلام اجمل
وعلى فكره انا طول عمرى بيحصلى كده , دايما لما اجى اخد خطوه فى حياتى الاقى قدامى اختيارين منهم اختيار يعجبنى فاحاول امشى فيه لكن فى الاخر مايتحققش وارجع وامشى فى الاتجاه التانى وربنا يوفقنى فيه , وحتى لما اجى فى مره اختار الحاجه اللى متعجبيش الاقى نفسى برده لازم مايتحققش وارجع تانى بس دايما اللى ربنا بيقدرهولى بيكون احسن بكتيييييييير من الى انا كنت عاوزه والحمد لله على كل شئ
إرسال تعليق