السلام عليكم ..
دايما الممنوع مرغوب ..
و اللي مش موجود عايزينه ..
و اللي ما ينفعش .. لا بقى هو ده ..
والمستحيل لازم يتحقق ..
طب ليه ؟؟؟
ليه مش على اد لحافك تمد رجليك .. و على اد امكانياتك تشتغل .. و باللي ف ايدك تبقى راضي .. و باللي تقدر تحققه تبقى مكتفي بيه ..
مش لازم ابدا حلمك يزيد عن حده .. و مش لازم ابدا اني اعمل قنبله عشان ابقى بني ادم ..
ما تاخد الدنيا براحه .. و بص للي ف ايدك و بس .. و على اد اللي معاك اشتغل .. و خلي حلمك دايما معقول و منطقي .. ما تشطحش بتفكيرك لابعد سما .. لانك حتنزل رزع لسابع ارض ..
مبادئ ::
1-ارض باللي ربنا كتبوا .. ارضى اوي
2-بص للي معاك و ما لكش دعوه باللي ف ايد غيرك .. لانه ما يخصكش ف حاجه .. و لو واخد حقه ف حاجه مش عندك فانت واخده ف حاجه مش عنده
3- امشي خطوه خطوه .. و لازم خطواتك تكون ف حدود امكانياتك .. و احلامك تكون في اطار المعقول
4-ما تبصش ورا .. اللي حصل انتهى .. شر تستفيد منه .. خير تبني عليه .. لكن ف النهايه هو برضه ورا
5-لما تقع اوم اقف بسرعه ..
6- ما تندمش على اللي حصل .. لانه قدر و كان حيحصل حيحصل
و برضه .. على اد لحافك مد رجليك .. ف كل حاجه ف الحياه
ســـــــلام :)
دايما الممنوع مرغوب ..
و اللي مش موجود عايزينه ..
و اللي ما ينفعش .. لا بقى هو ده ..
والمستحيل لازم يتحقق ..
طب ليه ؟؟؟
ليه مش على اد لحافك تمد رجليك .. و على اد امكانياتك تشتغل .. و باللي ف ايدك تبقى راضي .. و باللي تقدر تحققه تبقى مكتفي بيه ..
مش لازم ابدا حلمك يزيد عن حده .. و مش لازم ابدا اني اعمل قنبله عشان ابقى بني ادم ..
ما تاخد الدنيا براحه .. و بص للي ف ايدك و بس .. و على اد اللي معاك اشتغل .. و خلي حلمك دايما معقول و منطقي .. ما تشطحش بتفكيرك لابعد سما .. لانك حتنزل رزع لسابع ارض ..
مبادئ ::
1-ارض باللي ربنا كتبوا .. ارضى اوي
2-بص للي معاك و ما لكش دعوه باللي ف ايد غيرك .. لانه ما يخصكش ف حاجه .. و لو واخد حقه ف حاجه مش عندك فانت واخده ف حاجه مش عنده
3- امشي خطوه خطوه .. و لازم خطواتك تكون ف حدود امكانياتك .. و احلامك تكون في اطار المعقول
4-ما تبصش ورا .. اللي حصل انتهى .. شر تستفيد منه .. خير تبني عليه .. لكن ف النهايه هو برضه ورا
5-لما تقع اوم اقف بسرعه ..
6- ما تندمش على اللي حصل .. لانه قدر و كان حيحصل حيحصل
و برضه .. على اد لحافك مد رجليك .. ف كل حاجه ف الحياه
ســـــــلام :)
11 comments:
والله الكلام دا زى الفل
وجاى فى الجون يا رنووون ..
بس تقولى ايه بقى فى الناس .. معندهمش وسط .. ياما ..يأنتخوا كدا ومايبقاش ليهم أحلام من أساسه .. ياإمايشطحو بأحلامهم فوق السطح ..وفى الحالتين .. مفيش حاجة هتتحق !
وربنا يستر
شكرا يافندم
:)
السلام عليكم
الرد ده بناء على فهمي للموضوع
ياريت تنبهيني لو انا فهمت غلط
انا اه متفق مع حضرتك في بعض النقط
بس مش مقتنع بـ "على اد لحافك مد رجليك"
في مقولة ابويا دايما كان يقولهالي ... المقولة بتقول:
"صوب على النجم لعلك تصيب المئذنة"
يعني حط آمال عالية عشان لو موصلتش ليها توصل لحاجة قريبة منها
اصل المشكلة مش في ان الواحد يتخيل
المشكلة عندنا بقت ان الناس مبقتش بتعرف تقدر نفسها كويس
يعني الواحد مبقاش عارف ايه اقصى حاجة ممكن يوصلها ايه
فطالما كده ايه المشكلة لما نحلم بحاجة كبيرة و نحاول نحققها
على الاقل لو معرفناش نحققهاهنكون قربنا جدا
Rana
التفكير دا مثالي اوي ،، ولا يتفق مع شخصية كل فرد وطبيعة وظروف كل الناس ،،
أنا واحد من الناس لما اتمني .. بتمني حاجات ربما لا استطيع تحقيقها في وقتي الحاضر " بمعني ادق ببص لبعيد" والعكس لما يكون حاصلي كارثه او في امر معين متوقف علي عدة امور تانية مش وقتها خالص لكن مبقدرش اشيل تفكيري منها طول الوقت والتفكير في الكوارث اللي ممكن تحصل بناءا عليها !!!
#################
MeMe
لو حضرتك فكرتي أصلا ،، ان الانسان لما بيعوز حاجة معينه مفيش قدامه غير حل من اتنين يا اما ينفذ اللي هو عاوزه يا اما مش هينفذ نظرا لظروف او او او ..
فالمشكلة دلوقتي فعلا مش ان الناس تتمني لبعيد او قريب .. المشكلة ان الانسان يعمل للي بيتمناه مهما كان ما يتمناه
#####################
BooDy
كلام سليم
شكرا عالموضوع ..
تقبلوا مروري :)
بدل "على اد لحافك مد رجليك"
ما تشتغل شويا و تشتري لحاف علي اد رجليل :D
MEME
====
اولا منوره البلوج يا ايمو:)
ثانيا .. بالظبط كده :D
BooDy
=====
على فكره كنت حكتب الكلمتين دول من ضمن التوبك لكن نسيت :D
اللي حضرتك قلته صح جداا ..
بس انا قصدي هو ان في ناس بتعلى اوي بفكرها و طموحها فوق المعقول و المنطقي .. و عمر ما امكانياتها ( بصفه عامه مش ماديا ) ما حتوصل لكده .. فقصدي ان طموح البني ادم يبقى اه كبير لكن ف حدود اللي يملكه .. مثال صغير .. واحد نفسه يبقى له سلطه و يمسك مركز مهم ما ينفعش يحلم يبقى رئيس جمهوريه لكن ممكن يحلم انه مدير شركه او خلافه .. الفكره وضحت كده ؟
Falcon
======
انا وضحت لبشمهندس بودي فوق وجهه
نظري .. يمكن تبين اكتر لحضرتك قصدي :)
كمان اكيد اتفق مع حضرتك ان مش كل الناس تقدر تعمل كده .. و انا بتفلت مني حاجات كتير منهم لكن من وجهه نظري ده المفروض يحصل ..
و اهلا بحضرتك طبعا ف البلوج :)
Hunikal
=======
هو الموضوع ما كانش مفهوم .. و ده يمكن لاني مش عارفه اشرح ..
يا ريت دلوقتي الصوره تكون اوضح :)
السلام عليكم..
هوا والله الناس قالت كل حاجة..
بس اللي انا عاوزة اقوله...
ان الواحد مينفعش يعوز يبقى رئيس جمهورية وهوا موظف..اه
بس ممكن يحاول يبقى رئيس جمهورية...لو هوا سيناتور(ومش هقول عضو مجلس شعب) ...
الواحد لو ف الاول اوي..عمره ماهيشوف الطريق كله لأخره...
بس يكفي انه يكون عارف اتجاهه..
ولو فضل يفكر ف اخر الطريق...هيجيله احباط...
محتاج يفكر ف الكام خطوة اللي قدامه بس..
اما اللي انتي يا رنا بتقولي عليه امكانيات...انا بقول عليه ميول..
انتي نفسك في حاجات بتحبي تعمليها اكتر من غيرها...وبالتالي عمرك ما تحسي بالارهاق منها..والارهاق منها بيجيب سعادة مش تعب..
وانتي فاهمة الباقي بقى.. D:
سلام
بس
اممممممممممممممممم
مش عارفة يا رنا
هو وجهة نظرك وصلت
بس انا شايفة أن الواحد المفروض يحلم حتى لو الحلم كبير جايز فى يوم يوصله
فيه قصة أعرفها عن طفل صغير المعلم بتاعه كاان زهق منه قووووي لأنه دائما يلعب ويسيب اللى وراه
فقاله فى يوم من الأيام أن الرسول عليه الصلاة والسلام قال أن اللى هيفتح القسطنطينة هيبقي راجل وقاله أنه عاوزه يبقي هو الراجل ده
وفعلا الطفل ده كبر وفتح القسطنطينة
أنا طبعا باتكلم عن محمد الفاتح والموقف ده حصل فعلا
كان مجرد طفل فى مدرسة وأتمني حلم وقدر يوصله واسمه دخل التاريخ
الخلاصة مش فى كل الحالات بتبقي عارفة طول اللحاف بالظبط
يعني مش كل الأحلام أكيد أكيد مش هتحققيها عشان تقولي كده
أنتي تعرفي منين؟؟؟
عمرك ما تقدري تحددي غير لما تبدأي فعلا تحلمي وتبدأي تمشى خطوات منطقية عشان توصلي للحلم ده ولما تفشلي يبقي خلاص ده قضاء ربنا
يعني دي وجهة نظري ببساطة طويلة شوية :D
وعامة الموضوع ككل مهم عشان الناس تقدر تتعامل بمرونة أكتر مع أحلامها
يتحقق أو لأ مش مهم المهم أني حلمت وحاولت أحقق
سلااااام يا رنون باشا :)
ده نص الحديث صحيح عشان بس أنا مكنتش فاكراه قوي
"لتفتحن القسطنطينية فلنعم الأمير أميرها ولنعم الجيش ذلك الجيش"
هى الكلمة الأولانية لتفتحن مبنية للمجهول وكان نبوءة من الرسول عليه أفضل الصلاة وأتم السلام أن القسطنطينة هتفتح بالرغم من محاولات عديدة لفتحها وكانت بتفشل
وده كان اسم الشيخ المعلم "آق شمس الدين"
وده لينك عن القصة ككل لو حد مهتم
http://www.55a.net/firas/arabic/?page=show_det&id=913&select_page=1
سلام
تمام الفكرة وصلت :)
وزي ما eman.D قالت ..
"الموظف ممكن يحاول يبقى رئيس جمهورية" :)
والله يمكن اكون مختلف معاكي في الراي شويه
لان من وجهة نظري ان لازم الواحد يتطلع لاعلى حاجه ويبذل كل الجهد للوصول لها فلو وصل وهو المطلوب ولو موصلش ليها بالضبط يبقى وصل لحاجه قربيه منها
يعني رئيس الجمهوريه مثلا اتولد رئيس :D
اكيد كان حلمه هو دا ويعتبر دا حلم بعيد
فلو استخدمنا منطق متبصش لبعيد لا يمكن هيبقى رئيس في يوم من الايام
اما لو استخدمنا مبدا حاول واجتهد ويمكن توصل فيبقى كفايه شرف المحاوله
معلش طولت تقبلي مروري
وسلامي ختامي
إرسال تعليق