السلام عليكم ..
انا قلت لازم ادون اللحظه الجهنميه اللي انا فيها دلوقتي دي ..
انا و بلا فخر طول الترم بذاكر ايمدج و كمبيوتر فيجن ..
و قررت النهارده و بلا فخر برضه اني اذاكر HCI ..
انا غلطانه اصلا اني بقرر .. و غلطانه اني بذاكر .. و غلطانه اني دخلت الكليه من اساسه .. انا كنت اعدت ف البيت بالثانويه العامه شابه لطيفه زي الفل بكامل قوايا العقليه ..
و انا بذاكر حسه اني بطلع صهد من دماغي .. بل و حسه اني عبيطه .. مش بس كده بقيت بكلم نفسي و اضحك من غير سبب ..
الحمد لله انا كده خدت الجنسيه الحاسوباتيه ..
و حطلع منها ع التأهيل المهني عدل ..
انا كان لازم اكتب الكلمتين دول قبل ما اشيط !
4 comments:
زى ما قلت احنا نحتسب اللى احنا بنعمله ده لله وان شاء الله هانلاقى لكل واحد كلية فى الجنة مش قصر
:D :D
ماهو احنا اصلا كل استفادتنا من الكلية دي شوية الحسنات اللي بناخدها لما نتحسبن على اللي فيها
خصوصا المعلمة (بكسر اللام و الميم الأولانية!)
ازيك يا رنا
عزاء واجب : لقد بدات اثار الهبل والعبط والجنون ع طلبه الفرقه الثالثه قسم تكنولوجيا معلومات وذلك بسبب دراستهم لمادتى الايميدج والماده اللى ما تتسمى التانيه دى والبقاء لله وانا لله وانا اليه راجعون
شيدى حيلك يا بنتى
هو انا شوفت جمله
"image is picture"
فى ماده الايميدج حسستنى بالانبهار الشديد
عشان كده مقدر التعب النفساوى الى انتو فيه
كويس ان الامتحان جه سهل
ربنا معاكم ومعنا فى الباقى
إرسال تعليق